Kimi Antonelli varð í kvöld yngsti heimsmeistarinn í sögu Formúlu 1-kappakstursins. Hann er einungis 20 ára og keyrir fyrir Mercedes.
Ljóst var fyrir keppnina að Antonelli þyrfti aðeins tvö stig til að verða heimsmeistari, sem sagt lenda í níunda sæti eða ofar. Hann fór létt með það því hann endaði þriðji og fagnaði sínum fyrsta heimsmeistaratitli þrátt fyrir að fjórar keppnir væru eftir af tímabilinu.
Lewis Hamilton hjá Ferrari byrjaði á ráspól. Antonelli byrjaði fimmti og af krafti og leiddi um stund. Hann fór í pitt á 44. hring og kom út í fjórða sæti, 12,4 sekúndum á eftir Hamilton sem leiddi.
Bilun varð hjá Valetteri Bottas á Cadillac á 46. hring og voru allir endurræstir þegar búið var að eiga við hana. Antonelli ræsti fjórði og vann sig fljótlega upp í þriðja og hélt því allt til leiksloka. Max Verstappen kom fyrstur í mark en þriðja sætið skilaði Antonelli 15 stigum sem dugði til og hann er heimsmeistari. Þetta er í fyrsta sinn í 73 ár sem Ítali verður heimsmeistari í Formúlu 1.
Yngstur til að...
Kimi Antonelli er sem fyrr segir aðeins 20 ára og á fjölmörg met í formúlu 1.
Yngstur til að leiða kappaksturYngstur til að setja hraðasta hringinnYngstur til að vera á ráspólYngstur til að vinna MónakókappaksturinnYngstur til að ná þrennu: Ráspól, sigri og hraðasta hringnum
Og nú er hann yngstur til að fagna heimsmeistaratitlinum.
