Njarðvíkingar voru sjö stigum yfir í hálfleik, 53-46, og leiddu enn með tveimur stigum fyrir lokaleikhlutann. Grindvíkingar voru hins vegar sterkari á lokakaflanum, unnu fjórða leikhlutann 24-18 og tryggðu sér fjögurra stiga sigur.

Ellen Nystrom og Farhiya Abdi voru stigahæstar hjá Grindavík með 23 stig hvor en Abby Beeman skilaði þrefaldri tvennu með 21 stigi, tólf fráköstum og fjórtán stoðsendingum.

Brittany Dinkins átti stórleik fyrir Njarðvík og skoraði 42 stig, tók átta fráköst og gaf tíu stoðsendingar. Grindavík er á toppi deildarinnar með tólf stig en Njarðvík er í fjórða sæti með átta stig.

03.11.2026 21:22