Ekkert lið virðist geta stoppað Haukakonur í Olísdeildinni í handbolta. Haukar unnu í kvöld fimm marka sigur á Gróttu, 27-22. Jóhanna Margrét Sigurðardóttir var markahæst í Haukaliðinu eins og svo oft áður. Hún skoraði sex mörk en Embla Steindórsdóttir kom næst með fimm mörk. Sara Sif Helgadóttir varði 12 skot í markinu og var með 33% markvörslu.

Haukar hafa 16 stig af jafn mörgum mögulegum í 1. sæti deildarinnar eftir átta umferðir. Grótta er í 7. sæti með fjögur stig. Þetta var fyrsti leikur 8. umferðar.

03.11.2026 21:29