ÍBV tók á móti Stjörnunni í níundu umferð Olísdeildar karla í handbolta í dag. Stjarnan stóð í Eyjamönnum sem tókst þó að landa sigrinum, 29-26.

Kristófer Ísak Birgisson kom ÍBV tveimur mörkum yfir á 11. mínútu, 7-5. Þaðan áttu Stjörnumenn góða syrpu og Gauti Gunnarsson skoraði úr hraðaupphlaupi á 24. mínútu og Stjarnan leiddi, 12-13. Garðbæingar leiddu í leikhléi, 16-18.

Atli Steinn Arnarson kom Eyjamönnum aftur yfir á 35. mínútu, 20-19, og sex mínútum síðar kom hann liðinu fjórum mörkum yfir, 23-19.

Þaðan þurftu Stjörnumenn að elta en Matthías Dagur Þorsteinsson jafnaði fyrir Sjörnuna á 46. mínútu, 23-23.

ÍBV náði þó forskotinu á nýjan leik og liðið sigldi sigrinum í höfn með Atla Stein í fararbroddi því hann skoraði fjórtán mörk í dag.

Eyjamenn sitja þó eftir sem áður í sjötta sæti en nú með tíu stig. Stjarnan er í níunda sæti með fimm stig.

Þrír leikir eru til viðbótar í dag

15:00 Þór - FH17:00 Fram - Víkingur18:00 HK - Selfoss

01.11.2026 15:12