Þór tók á móti FH í níundu umferð Olísdeildar karla í handbolta í dag. FH-ingar sýndu yfirburði fyrstu mínúturnar en Þórsurum tókst að færa spennu í leikinn. Það voru þó Hafnfirðingar sem lönduðu sigri, 30-37.

Ómar Darri Sigurgeirsson kom FH átta mörkum yfir eftir 20 mínútna leik, 5-13. Þór gerði vel næstu mínúturnar og William Skovager minnkaði muninn í tvö mörk á 27. mínútu, 13-15. FH leiddi þó 13-17 í hléi.

Þórarar þurftu að elta í seinni hálfleik en Hafþór Már Vignisson skoraði á 44. mínútu og þá munaði aðeins einu marki, 24-25.

FH-ingar tóku leikhlé í kjölfarið og náðu að skerpa á sínu. Liðið vann loks með 30-37.

Með sigrinum fer FH upp í þriðja sætið með 13 stig. Þór er í áttunda með sex.

01.11.2026 16:50