Hafsteinn er maður margra hatta í tónlistarbransanum. Hann vinnur í fullu starfi við tónlistarsköpun og kemur víða við. Á einum degi gæti hann t.d. verið að vinna að útsetningum fyrir tónleika, stýra upptökum á tónlist eða semja kvikmyndatónlist.

Verkefnin sem tengjast kvikmyndunum eru fjölbreytt. Hann vann t.d. að tónlistinni í Bridget Jones: Mad About The Boy. ,,Það var ótrúlega skemmtilegt, við fengum að fara á Abbey Road og taka upp þar risasinfóníu. Það var ógeðslega gaman að fá að taka þátt í svona alvöru Hollywood," segir hann en verkefnið fékk hann í gegnum bandaríska tónlistarmanninn Dustin O'Halloran sem er búsettur hér á landi.

Þú getur séð áhugavert viðtal við Hafstein sem og nýtt lag sem hann var að gefa út undir listamannsnafninu CeasTone í spilaranum hér að ofan.

02.11.2026 19:01